Besim Kelmendi, ushtrues i detyrës së Kryeprokurorit të Shtetit, tha se Këshilli Prokurorial i Kosovës dhe Ministria e Drejtësisë duhen të ulen e të gjejnë një rrugë të përbashkët për Ligjin për KPK-në.
“Tani është mirë me u ul bashkë me Këshillin Prokurorial, Ministria e Drejtësisë dhe me gjet një rrugë të përbashkët sa i përket këtij ligji”, tha Kelmendi në emisionin “Tempus” në KTV. Ai mendon se ka njerëz në KPK që duan të bëjnë reforma në KPK.
Lidhur me procesin e vettingut, ai tha se kanë dhënë mendim si Shoqatë e Prokurorëve.
“Ai qëndrim ka qenë në përputhje edhe me mendimin e Këshillit Gjyqësor dhe Këshillit Prokurorial, që dallon nga qëndrimi i Ministrisë së Drejtësisë. Arsyeja ka qenë se ne kemi konsideruar se edhe me ndryshime ligjore mund të bëhen reforma në sistemin prokurorial dhe mund të bëhet pastrimi i KPK-së nga prokurorë që kanë kryer vepra penale apo janë të përfshirë në kryerjen e veprave penale dhe kanë bërë shkelje të rëndë të detyrave”, tha Kelmendi.
Sipas tij, kjo ka qenë edhe arsyeja pse janë përcaktuar për opsionin e tretë, për ndryshime ligjore e jo kushtetuese.
-
Lufta për pushtet në KPK
-
Një anëtar i KPK-së hedh dyshime nëse Kelmendi u tërhoq nga presioni e Vuniqi ndryshoi qëndrime
-
Bajraktari: Dorëheqja e Kelmendit në kohën kur fillon reforma në KPK, lë për të dyshuar
-
Besim Kelmendi paraqet kërkesë për lirim nga pozita e u.d. së kryeprokurorit të shtetit
-
KPK-ja kritikohet për mbajtje të mbledhjes me dyer të mbyllura