Kryetari i Komisionit për punë të jashtme dhe diasporë, Haki Abazi, në emisionin “Tempus” në KTV tha se seanca e së hënës në Kuvendin e Kosovës, ishte një nismë brenda Kuvendit për dialogun Kosovë-Serbi, e cila është e domosdoshme.
Sipas tij, vatra e dialogut herë bie në Bruksel e herë brenda Kosovës, në veri apo përplasjet brenda spektrit politik.
“Debati ishte i mirëseardhur, në shijen time jo mjaft i thelluar ende, edhe pse pritet të vazhdojë meqë pjesa e pasdites u ndërpre, por unë shoh domosdoshmërinë absolutisht edhe të momentit politik por edhe të rrethanave të krijuara, që ky thellim të shkojë deri tek eventualisht ngritja mbi nivelin partiak, sepse kjo çështje nuk ka të bëjë fare me një parti ose me një gjeneratë të politikanëve, ka të bëjë me fatin e vendit tonë, organizimin e subjektivitetit të Kosovës në arenën ndërkombëtare dhe proceset që na presin. Gjithsesi, ishte një nismë brenda Parlamentit për dialogun Kosovë-Serbi, që ishte e domosdoshme”, tha Abazi.
-
Zëvendësimi i anëtarëve të VV-së në komisione, mblidhet Kuvendi
-
Abazi thotë se Kurti kërkoi shkarkimin e tij: Do të publikoj video të skandaleve
-
Pula: Për temat si dialogu s’do të duhej të kishte fare oponencë në Kuvend
-
Sot mbahet debat parlamentar për zhvillimet në dialogun Kosovë-Serbi
-
Abazi: Zhgënjimi amerikan me Kosovën është fatkeqësi