Projekti i ri robotik nga Instituti Italian i Teknologjisë ka mundësuar udhëtime virtuale të njerëzve. iCub3 është një sistem avatar që është në gjendje të transportojë njerëzit në një vend të largët në kohë reale.
iCub3 është sistem i avancuar i teleoperuar që i mundëson operatorit njerëzor ta manipulojë robotin nga distanca.
Studiuesi Stefano Dafarra nga Ekipi Artificial dhe Mekanik në Institutin Italian të Teknologjisë po i vendos elementet e kostumit që lejojnë shkëmbimin e informacioneve mes njeriut dhe robotit.
Çfarëdo lëvizjeje që bën njeriu, roboti do ta imitojë atë – në kohë reale.
Me përdorimin e teknologjive të ndryshme, studiuesit kanë monitoruar lëvizjet e njerëzve.
Dorëzat me sensorë ofrojnë reagime haptike për përdoruesit. Ndërkohë që Dafarra manipulon iCub3, ai mund të ndiejë atë çka “ndien” roboti.
Edhe
Elefantët robotikë tërheqin turma e shkaktojnë polemika në tempujt e Indisë
Momentalisht, Icub3 po praktikon për konkursin e ardhshëm ANA Avatar XPRIZE . Qëllimi i këtij konkursi është krijimi i një avatari që është i përdorshëm nga të gjithë dhe i aftë për ta zëvendësuar trupin e njeriut në botën reale.
ICub3 është 1.25 metra i gjatë dhe peshon 53 kilogramë. Tani për tani ai është unik, mirëpo më shumë versione të tij mund të shfaqen në 5 deri në 10 vjetët e ardhshëm.
