Teleskopi më i madh hapësinor i konceptuar ndonjëherë është lëshuar në hapësirë, të shtunën.
Teleskopi hapësinor James Webb me vlerë 10 miliardë dollarë, është lëshuar në një raketë evropiane Ariane nga Guiana franceze.
Është një projekt që ka marrë 30 vjet për t'u hartuar dhe ndërtuar, dhe konsiderohet si një nga përpjekjet madhështore shkencore të shekullit të 21-të.
Qëllimi i Webbit do të jetë të përpiqet të tregojë yjet dhe galaktikat e para që shkëlqejnë në Univers.
Ai do të ketë gjithashtu fuqinë për të hetuar atmosferat e planetëve të largët, për të kërkuar gaze që mund të lënë të kuptohet për praninë e jetës.
Edhe
Ekipi i “Artemis II” tani është më afër Hënës sesa Tokës
Ngritja nga porti kozmik ekuatorial Kourou është caktuar në orën 09:20 me kohën lokale. Pritja është e lartë, por edhe niveli i ankthit, gjithashtu.
Për të arritur në hapësirë, Webbi duhet së pari të mbijetojë një ngjitje 27-minutëshe në atë që është, në fakt, një shpërthim i kontrolluar. Teleskopi më pas duhet të shpaloset në një seri vendosjesh komplekse, të cilat të gjitha duhet të përfundojnë pa të meta ose observatori në tërësi nuk do të funksionojë.
"Webb është një mision i jashtëzakonshëm”, ka thënë administratori i agjencisë amerikane të hapësirës Bill Nelson.
"Është një shembull i shkëlqyer i asaj që ne mund të arrijmë kur ëndërrojmë shumë. Ne e kemi ditur gjithmonë se ky projekt do të ishte një përpjekje e rrezikshme. Por, sigurisht, kur doni një shpërblim të madh, zakonisht duhet të merrni një rrezik të madh”, ka thënë Nelson.
Edhe
NASA nis misionin e parë me ekuipazh në Hënë në gjysmë shekulli
Teleskopi James Webb mban emrin e një prej arkitektëve të programit Apollo Moon dhe agjencitë hapësinore të SHBA-së, Evropës dhe Kanadasë, të cilët janë të gjithë partnerë në projekt.
Misioni i Webbit është të bazohet në zbulimet e teleskopit hapësinor Hubble, i cili, pas 31 vitesh në orbitë, po i afrohet fundit të operacioneve. Webbi do të shikojë më thellë në kozmos dhe, si pasojë, shumë më larg në kohë. Në thelb të aftësive të objektit të ri është pasqyra e saj e artë 6.5 metra e gjerë.
