Qualcommi nuk po ngadalëson në përpjekjet e veta që çipat e kompanisë ta funksionalizojnë pothuajse çdo pajisje, ndërsa produkti i ardhshëm që pritet nga prodhuesi i njohur është çipseti i gjeneratës së ardhshme Snapdragon 865, raporton TweakTown.
Snapdragon 865 do të paraqitet në telefonin e ri Titanium M6 5G, të kompanisë 8848 (bëhet fjalë për prodhuesin e telefonave dhe orëve të mençura luksoze nga Kina). Kjo kompani tashmë e ka zbuluar ekzistencën e çipsetit Snapdragon 865, i cili raportohet se do të mbërrijë në dy variante të ndryshme - me koneksion 4G LTE dhe 5G, shkruan KOHA Ditore. Përveç kësaj, çipseti do të ketë mbështetje për kamerat 100MP.
Qualcommi do ta mbajë samitin e vet vjetor Snapdragon Tech Summit në dhjetor, ku pritet që kompania të zbulojë më shumë detaje zyrtare për çipsetin e vet të gjeneratës së ardhshme.
Gigabyte paralajmëron pllakën amë TRX40 AORUS për Threadripper
Është shfaqur fotografia e cila e tregon pllakën amë ende të palansuar AMD HEDT. Brendimi sugjeron që bëhet fjalë për pllakën amë premium AORUS, ndërsa baza është me siguri socketi i ri TR4+ ose TR+, raporton Videocardz.
Edhe
Gigabyte po përgatit katër pllaka TRX40 për Threadripper të gjeneratës së ardhshme
Pllaka amë AORUS TRX40 me siguri do ta përdorë standardin E-ATX (njëjtë si X399 AORUS Xtreme), ndërsa pllakat e mëhershme amë Gigabyte X399 e përdornin formatin standard ATX. Pllaka e ardhshme i ka katër sllote PCIe x16 (4.0) dhe tetë sllote DDR4 për memorie katërkanalëshe.
Kohët e fundit u zbulua se AMD po planifikon ta lansojë serinë e re të procesorëve Threadripper më 5 nëntor, ndërsa gjatë periudhës së njëjtë mund të shohim edhe pllaka të reja amë. Pllaka TRX40 AORUS gjithashtu ka të ngjarë ta mbështesë edhe CPU-në e ardhshme Threadripper 3990X me 64 bërthama, për të cilën po flitet.
