Departamenti i Shteteve të Bashkuara të Amerikës për Drejtësi ka akuzuar rrjetin social Facebook se po diskriminon punëtorët amerikanë duke dhënë preferenca për punësim për imigrantët.
Sipas një padie, rrjeti social ka refuzuar të rekrutojë, konsiderojë apo punësojë amerikanë të kualifikuar për më shumë se 2600 pozita.
Këto vende pune kryesisht kishin shkuar për të huajt me viza të përkohshme, sipas padisë.
Facebooku ka mohuar pretendimet.
Departamenti ka akuzuar Facebookun se po keqpërdor vizat e përkohshme, që zakonisht përdoren nga gjigantët teknologjikë për të sjellë në SHBA punëtorë të huaj me shkathtësi të mëdha. Në akuzën e vet, Departamenti ka thënë se Facebooku ka krijuar një “sistem të qëllimshëm punësimi” që favorizon imigrantët dhe të huajt më shumë se amerikanët.
Sipas departamentit, për këtë janë kryer hetime dyvjeçare.
-
SHBA-ja nis hetimet për Facebookun për paragjykime racore sistematike në punësime
-
Facebooku ia ndalon policisë amerikane përdorimin e profileve të rreme për spiunim
-
NYT: Trumpi synon t’i favorizojë refugjatët e bardhë
-
Uberi paditet nën akuzat për diskriminim të pasagjerëve me nevoja të veçanta
-
Bloomberg: Trumpi u kërkon shteteve të Ballkanit t’i pranojnë migrantët që po i dëbon