Gjiganti jug-korean i teknologjisë, Samsung, ka paraqitur smartfonin e tij të palosshëm për herë të parë ka fundi i vitit të kaluar në ngjarjen e kompanisë “Konferenca e Zhvilluesve”.
Pajisja mobile e ardhshme e këtij gjiganti po ashtu bëri një paraqitje të vogël në panairin e teknologjisë CES 2019, por ai i është prezantuar një audience shumë të vogël, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas medieve jug-koreane, kreu i njërës nga kompanitë që janë klientë të Samsungut zbuloi se smartfoni i palosshëm aktualisht është duke u zhvilluar në aspektin harduerik dhe softuerik, shkruan neowin.
Pajisja e palosshme e Samsungut, e cila pritet të quhet Flex, është caktuar që të lansohet në gjysmën e parë të këtij viti, me mbi një milion njësi. Sipas kreut në fjalë, Flexi, me teknologjinë e re të baterisë dhe ekranit që ka, pritet të kushtojë në treg mbi 1,336 dollarë.