Rregullatori egjiptian i medias, ka kërkuar të mërkurën që gjiganti amerikan i transmetimit, Netflix, “t’u përmbahet vlerave shoqërore të këtij vendi” me shumicë myslimane, pasi u tha se kompania po shfaqë përmbajtje që lidhen me komunitetin LGBTQ, shkroi Associated Press.
Një kërkesë e tillë Netflixit iu bë edhe nga shtetet arabe, pasi të tilla përmbajtje konsiderohen ofenduese për këto vende.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas deklaratës së qeverisë egjiptiane, shërbimet e transmetimit duhet të jenë në përputhje me parimet shoqërore dhe vlerat e vendit në të cilin po transmetohen.
Deklarata u bëri thirrje atyre të ndërmarrin masa të nevojshme nëse transmetojnë “përmbajtje që bien ndesh me vlerat e shoqërisë”.
Një sondazh i vitit 2013 nga Qendra Kërkimore Pew, zbuloi se 95 për qind e të anketuarve në Egjipt kanë thënë se anëtarët e komunitetit LGBTQ duhet të refuzohen nga shoqëria.
Edhe pse nuk ndalohet drejtpërdrejt me ligj, anëtarët e komunitetit LGBTQ shpesh ndiqen penalisht nën akuzat e imoralitetit dhe shthurjes në këtë vend.