Sam Bankman-Fried, themeluesi i shkëmbyesit të bankrotuar të kriptovalutave “FTX”, tha në një gjykatë në Bahamas të mërkurën se pranon të ekstradohet në SHBA për t'u përballur me akuza penale në lidhje me kolapsin e FTX-it.
Autoritetet Bahamian arrestuan Bankman-Fried javën e kaluar me kërkesë të qeverisë së SHBA-së, raportoi Associated Press të mërkurën.
Prokurorët amerikanë pretendojnë se ai luajti një rol qendror në rënien e shpejtë të FTX-it dhe fshehu problemet e shkëmbyesit nga publiku dhe investitorët. Komisioni i Letrave me Vlerë tha se Bankman-Fried përdori ilegalisht paratë e investitorëve për të blerë pasuri të paluajtshme në emër të tij dhe të familjes së tij.
30-vjeçari mund të kalojë pjesën tjetër të jetës së tij në burg.
Bankman-Fried-it iu refuzua lirimi me kusht të premten pasi një gjykatës Bahamian vendosi se ai përbënte një rrezik.
Pasi të kthehet në SHBA, avokati i Bankman-Fried do të jetë në gjendje të kërkojë që ai të lirohet me kusht.