Lexar është brend i njohur i zgjidhjeve të flash memorieve, ndërsa tani kompania e ka paralajmëruar SSD-në Lexar Professional SL100 Pro Portable, raporton TechPowerUp.
SSD-ja karakterizohet nga një shtresë e stilizuar prej alumini dhe vjen në një madhësi të vogël konvencionale që është e përshtatshme për mbajtjen e pajisjes në xhep. Pajisja është në gjendje ta përballojë rrëzimin, goditjet dhe vibrimet, dhe karakterizohet edhe nga softueri DataVault Lite, si dhe nga zgjidhja e avancuar e sigurisë me enkriptim prej 256-bitësh AES.
SL100 Pro ofron performancë superiore në lëvizje, me shpejtësi prej deri në 950MB/s për lexim dhe deri në 900MB/s për shkrim të të dhënave. Ofrohet edhe porti USB-C i cili ua mundëson përdoruesve ruajtje dhe ndarje të shpejt përmes shpejtësive të USB 3.1.
SSD-ja Professional SL100 Pro Portable përfshin një kabllo USB Type-C to Type-C dhe një kabllo USB TypeC to standard USB Type-A dhe është kompatibil me Mac OSX 10.6+, Windows 7/8/10 dhe portet standarde USB, shkruan KOHA Ditore.
Sa i përket çmimit dhe disponueshmërisë SSD-ja portative e Lexar do të jetë në dispozicion nga prilli, me një çmim prej 100 dollarësh për modelin 256GB, 150 dollarë për modelin 500GB dhe 280 dollarë për variantin prej 1TB.