Kina i ka dënuar me gjoba gjigantët e teknologjisë elektronike, Alibaba, Tencent dhe një sërë firmash të tjera për mospërputhje me rregullat antimonopol rreth zbulimit të transanksioneve, njoftoi të dielën rregullatori i vendit, raporton Reuters.
Administrata Shtetërore për Rregullimin e Tregut publikoi listën me 28 pikat e marrëveshjes që ishin shkelur nga kompanitë, duke përfshirë një blerje të Alibabas të kapitalit në vitin 2021 në filialin e saj, platformën e transmetimit Youku Tudou.
Tencent ishte i përfshirë në 12 nga transaksionet në listën e Rregullatorit.
Departamenti i teknologjisë në Kinë ishte cak kryesor i goditjeve monopoliste që nisi në fund të vitit 2020.
Sipas ligjit kundër monopolit, gjoba maksimale e mundshme në çdo rast është rreth 74 mijë dollarë.