Facebooku ka planifikuar të reduktojë përmbajtjet politike që shfaqen në kohështrirje. Lëvizja vjen pas testimeve të bëra në SHBA, Kanada, Brazil dhe Indonezi në fillim të këtij viti.
Kompania planifikon të testojë këtë politikë edhe në Kosta Rika, Suedi, Spanjë dhe Irlandë. Facebooku thotë se ndryshimet vinë pas feedbackut të dhënë nga komuniteti.
Ndryshimet gjithashtu pritet të reduktojnë dezinformimin në Facebook. Nga ana tjetër subjektet politike duhet të rimendojnë strategjitë e tyre për të arritur votuesit.
Gjithashtu mund të provojë një goditje fatale për mediat, veçanërisht ato të fokusuara në zhvillimet politike duke pasur në konsideratë nivelin e lartë të të vizitave që Facebook dërgon tek uebsajtet.
Megjithatë ndryshimet pritet ta bëjnë Facebookun më pak irritues dhe shqetësues për përdoruesit. Debatet politike në rrjetet sociale nxehen shpejtë.
Por në nëntor të vitit të kaluar Facebook pretendonte se vetëm 6% e përdoruesve shohin përmbajtjet politike.
-
Më pak politikë në Facebook
-
Britania planifikon t’i detyrojë rrjetet sociale t’u japin përparësi lajmeve të besueshme
-
Meta kërcënon t’i largojë nga Facebooku përmbajtjet e lajmeve në SHBA
-
Facebooku dështon t’i zbulojë dezinformatat për zgjedhjet në Brazil
-
Facebooku provon diçka të re, lejon që në një llogari të jenë pesë profile të ndryshme