Dell Technologies Inc (DELL.N) do të heqë rreth 6,650 vende pune, ose rreth 5% të fuqisë punëtore të saj globale.
Kjo për shkak se kompania është dëmtuar nga rënia e kërkesës për kompjuterët e saj personal, raporton Bloomberg News.
Kompania po përjeton kushte tregu që “vazhdojnë prodhojë një të ardhme të pasigurt”, shkroi bashkë-shefi operativ Jeff Clarke në një memo drejtuar punonjësve, thuhet në raport.
Masat e mëparshme të uljes së kostove, duke përfshirë një pauzë në punësim dhe kufizimet në udhëtim, nuk janë më të mjaftueshme, tha Clarke në memorandum.
Riorganizimet e departamenteve dhe shkurtimet e vendeve të punës janë një mundësi për të rritur efikasitetin, tha një zëdhënës i kompanisë për Bloomberg News.
Kompanitë nga Microsoft Corp (MSFT.O) tek Amazon.com Inc (AMZN.O) dhe Goldman Sachs Group Inc (GS.N) kanë shkurtuar mijëra vende pune kohët e fundit për të ndihmuar në zbutjen e një rënieje të kërkesës pasi shpenzimet e konsumatorëve dhe të korporatave u tkurren për shkak të inflacionit të lartë dhe rritjes së normave të interesit.
