Crucial, që përfaqëson departamentin e produkteve të konsumit të kompanisë Micron, e prezantoi SSD-në X8 Portable. Crucial X8 është një pajisje e lehtë, mobile dhe e bazuar në flash për ruajtje, e cila vjen në kapacitete prej 500 GB dhe 1TB, raporton TechPowerUp.
SSD-ja ofron norma sekuencionale të bartjes së të dhënave deri në 1050 MB/s. Ajo përdor USB 3.1 gen 2 (10 Gbps) dhe UASP, dhe e mbështet lidhjen USB Type-C. Në paketim përfshihet adapteri Type-C to Type-A, por ai e zvogëlon transferimin në 5 Gbps.
SSD-ja X8 Portable është praktikisht SSD Crucial P1 M.2 NVMe, e lidhur me bridge çip USB-to-PCIe nga kompania ASMedia, shkruan KOHA Ditore. SSD-ja e mbështetë komandën TRIM nëse përmbajtja është formatuar në NTFS. Gjithashtu ofrohet mbështetja për formatin exFAT përveç GPT. Pajisja është kompatibile me PC, Mac, iPad Pro, Chromebook dhe pajisjet Android që kanë USB 3.1.
SSD-ja X8 Portable nuk është e papërshkueshme nga uji, e ka madhësinë e një smartphonei 4-inçësh dhe mund t’i mbijetojë përplasjeve nga një lartësi prej 2.28 metrash. Modeli 1TB kushton 165 dollarë, ndërsa varianti 500 GB kushton 120 dollarë.
-
Kjo rrobalarëse Samsung ofron më shumë sesa një larje të zakonshme
-
Pse Samsung Galaxy S26 është një smartphone që ia vlen të merret në konsideratë?
-
Philips OneBlade Pro 360 – Një pajisje, për çdo stil
-
Më modern se kurrë, Volkswageni prezanton Caddyn e ri
-
Nvidia njofton çip të ri AI për kompjuterët personalë