Kompania MediaTek po përgatitej ta lansonte çipsetin e vet premium 5G. Para njoftimit, çipseti i etiketuar MediaTek MT6889 u shfaq në benchmarkun AnTuTu, ndërsa interesante është se për nga rezultatet i tejkalon modelet aktuale premium si Qualcomm Snapdragon 855 dhe Kirin 990 5G, raporton DroidShout.
Në rezultatet e AnTuTu, procesori MediaTek i shënoi gjithsej 511,363 pikë në versionin Antutu V8. CPU-ja arriti një rezultat prej 161.266 pikësh, ndërsa GPU-ja i arriti 196.097 pikë, shkruan KOHA Ditore. Përveç kësaj, baza AI-benchmark sugjeron që MediaTek MT6889 SoC arrit rezultate më të mira sesa çipat Qualcomm Snapdragon 855 Plus dhe Kirin 990 5G.
Tashmë dihet se MT6889 bazohet në procesin 7nm FinFET, i cili e përdor arkitekturën ARM Cortex A77 dhe GPU-në Mali-G77. Çipseti e ka modemin e integruar 5G Helio M70, i cili ofron shpejtësi downlink prej 4.7Gbps dhe shpejtësi uplink prej 2.5Gbps.
Tani për tani nuk dihet se cilët prodhues të telefonave do ta implementojnë çipsetin e lartpërmendur premium MediaTek.
-
Exynos 980 dhe MediaTek MT6885 mbërrijnë në AnTuTu me rezultate mbresëlënëse
-
MediaTek për vitin e ardhshëm planifikon çipsetin 5G për telefonat e segmentit të mesëm
-
MediaTek do ta prezantojë çipsetin e vet 5G këtë muaj
-
Realme RMX2071, me Snapdragon 865, vendos rekorde të reja AnTuTu
-
Zyrtarizohet çipseti MediaTek Dimensity 800 5G për telefonat e segmentit të mesëm