Kompanitë e telekomunikacionit BT dhe Ericsson, kanë arritur marrëveshje milionëshe për të ofruar rrjet interneti 5G për bizneset në tërë Britaninë e Madhe.
Siç njofton Reuters të martën, rrjeti 5G privat ka lidhje të kufizuar të një grupi pajisjesh, në një hapësirë të caktuar, siç janë fabrikat, portet apo kampuset.
Kompania suedeze Ericsson, e ajo angleze BT-ja, kanë punuar tash e një kohë për ta ofruar këtë shërbim, duke përfshirë një pjesë të Irlandës Veriore.
Lidhja e parë e 5G-së u bë në një hapësirë prej 35 hektarësh.
Shërbimi i internetit 5G nisi në prillin e 2019-s. Është prezent në shumë qytete në botë. Llogaritet ndër shërbimet më të shpejta të internetit.
