Presidenti i Brazilit, Jair Bolsonaro, ka nënshkruar një dekret që synon të kufizojë rrjetet sociale nga fshirja e llogarive apo përmbajtjeve.
Bolsonaro ka thënë se ndryshimi i rregulloreve është i nevojshëm për të luftuar “fshirjen arbitrare” të profileve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi tha se legjislacioni i ri do të ndihmonte për ta mbrojtur lirinë e të shprehurit.
Gjatë pandemisë, Twitter dhe Facebook ka fshirë postimet e shpërndara nga presidenti i Brazilit dhe përkrahësit e tij, duke i konsideruara si keqinformuese.
Dekreti i ri synon të japë qartësi mbi fuqinë e kompanive të rrjeteve sociale për të kontrolluar përmbajtjen e platformave të tyre, është thënë nga zyra e Bolsonaros.
Detajet e dekretit që është publikuar deri më tash thjeshtë citon se gjigantët e teknologjisë duhet të ofrojnë “arsyen dhe motivin” para se të fshijnë një llogari apo përmbajtje.
Është e paqartë, se si do të zbatohet urdhri.
Njoftimi vjen në prag të demonstratave masive pro-Bolsonaros nëpër Brazil.
Mbështetësit e presidentit brazilian do të protestojnë kundër Kongresit dhe Gjykatës Supreme të Brazilit, të cilat muajin e kaluar e shtuan emrin e Bolsonaros në emrat e personave që do të hetohen me dyshimin e prodhimit të keqinformatave.