Laboratori amerikan për inteligjencë artificiale, “OpenAI”, ka lansuar GPT-4, versionin e fundit të sistemit që qëndron prapa “ChatGPT-së” së famshme. Për të ka thënë se është më kreativ, ka më pak gjasa “të krijojë fakte” dhe më pak i njëanshëm se pararendësi.
“ChatGPT” tashmë njihet. Është një “bashkëbisedues” i inteligjencës artificiale që u lansua në nëntor të vitit të shkuar. Një përdorues mund t’i shtrojë pyetje dhe ai menjëherë përgjigjet.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë versionin e ri, bashkëthemeluesi i “OpenAI”, Sam Altman, ka thënë se sistemi i ri është “modeli më i aftë dhe më i përshtatshëm deri tash”. Ai ka deklaruar se në versionin e ri mund të pranohen fotografi dhe tekste si hyrje, duke ua mundësuar përdoruesve të pyesin edhe për fotot. Versioni i ri mund të trajtojë tekste më masive e mund të mbajë mend dhe të veprojë me më shumë se 20 mijë fjalë në të njëjtën kohë.
Modeli i ri është në dispozicion për përdoruesit e “ChatGPT Plus”, versionit të paguar të bashkëbiseduesit.
“OpenAI” ka punuar edhe me partnerë të tjerë në shërbimin e ri. Në versionin e ri me pagesë mundësohet që anglishtfolësit mund të bashkëbisedojnë edhe në dy gjuhë të tjera, frëngjisht dhe spanjisht. “GPT-4” ua shpjegon edhe gabimet gjuhësore. Në anën tjetër, “GPT-4” ndihmon kompanitë që të gjejnë mashtruesit potencialë nëpër forume të ndryshme.
Gjatë një demonstrimi të versionit të ri të martën, presidenti dhe bashkëthemeluesi i “OpenAI”, Greg Brockman, ka shpjeguar pak aftësitë njohëse të versionit të ri për fotografitë, e që ende s’është bërë publik dhe është duke u testuar. Funksioni “Be My Eyes” ia mundëson këtij sistemi të analizojë dhe t’u përgjigjet fotografive që futen në të e të përgjigjet për pyetje të ndryshme bazuar në ato foto. “‘GPT-4’ s’është vetëm model i gjuhës, por është edhe model i vizionit”, ka thënë Brockman, ka shkruar “The Guardian”.
“OpenAI” ka thënë se modeli i ri përmirëson gabimet që mund të ketë pasur versioni i shkuar, që kryesisht ka marrë kritika për këshilla mjekësore.
Një shqiptare 35-vjeçare është koka prapa zhvillimit të këtij sistemi. Bëhet fjalë për Mira Muratin.