Aplikacionet e vjetruara të kompanisë Apple që nuk përditësohen, po fshihen nga platforma App Store, ka bërë të ditur kompania.
Siç shkruan “Macrumors” të shtunën, aplikacioneve që brenda tri vjetëve të fundit nuk e kanë arritur një prag minimal të përditësimit, po iu bëhet e ditur që do të hiqen nga platforma e shkarkimit, për t’iu lënë hapësirë aplikacioneve tjera.
Megjithatë, aplikacionet e papërditësuara që do të hiqen, do të vazhdojnë të mbeten në telefonat e mençur të përdoruesve nëse janë shkarkuar më parë.
