Apple konfirmon datat kur sjellë risitë teknologjike

Apple ka konfirmuar se Konferenca “Worldwide Developer” (WWDC) në këtë vit do të mbahet më 5-9 qershor, transmeton Koha.net.

WWDC do të rikthehet në San Jose këtë vit, pas një periudhe të gjatë. Vendngjarja është vetëm pak minuta nga selia e Apple në Cupertino, shkruan GSMArena.

Si zakonisht Apple në këto ngjarje ka sjellë risitë e saj teknologjike, dhe pritet që edhe këtë herë të sjellë më të rejat në iOS, macOS, watchOS, dhe tvOS, me pak gjasë që të shohim ndonjë harduer të ri.

Përveç kësaj, për pesë ditë në këtë ngjarje do të marrin pjesë edhe zhvillues nga e gjithë bota, të cilët do të angazhohen së bashku me 1 mijë inxhinierë të Apple përmes seancave dhe ndërveprimeve personale.