Apple bllokon përmbajtjet e krijuara me inteligjencë artificiale

Lompania amerikane Apple ka marrë vendim që t’i pezullojë mediat e krijuara nëpërmjet inteligjencës artificiale. Sipas njoftimit, ky vendim u mor për shkak të gabimeve të përsëritura që ndodhën së fundmi, e njoftimet që kanë të bëjnë me lajme dhe argëtim do të pezullohen.

Sipas “Tech Crunch”, ky vendim është i përkohshëm.

“Përmbledhjet e njoftimeve për kategoritë e lajmeve dhe të argëtimit s’do të jenë të qasshme dhe do të riaktivizohen në një përditësim të ardhshëm sapo të përpunohen”, thuhet në njoftimin e kompanisë.

Javëve të fundit Apple përmblodhi gabimisht artikujt të mediave New York Times dhe Washington Post, e për këtë u ankua BBC-ja. Apple më pas reagoi menjëherë, derisa për këtë BBC-ja u shpreh falënderuese.