Shefi i Appleit, Tim Cook, është pyetur nga këngëtarja shqiptare me famë botërore, Dua Lipa, se kë do ta lë pasues në kompani kur të largohet, ka shkruar “BussinesInsider”.
Në podcastin “Dua Lipa: At Your Service”, Dua Lipa e ka pyetur atë se kush është në radhë për ta pasuar në postin, e Cook ka lënë të nënkuptojë se nuk e ka ndërmend të tërhiqet.
“Unë më të vërtetë dua që personi të jetë brenda Appleit”, ka thënë Cook.
CEO i Appleit nuk ka dhënë ndonjë emër specifik, por sipas tij, zgjedhjen përfundimtare do ta bëjë bordi.
Cook ka shtuar se “s’mund ta përfytyrojë jetën pa Apple”.
