Meta, kompania mëmë e Facebookut, ka mohuar se dorasi në shkollën fillore në Teksas, ka postuar tekste në këtë platformë para krimit, raportoi BBC-ja të mërkurën.
Gjatë së mërkurës, guvernatori i Teksasit, Greg Abbott, ka thënë se i dyshuari ka postuar tri herë në Facebook para sulmit në shkollë, duke treguar veprimet që do t’i ndërmerrte.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAbbott tha se vrasësi shkroi për planifikimin që të qëllonte gjyshen e tij, pastaj sipas tij, postoi duke treguar se e ka vrarë gjyshen dhe në fund, postoi njoftimin se do të sulmojë një shkollë fillore, rreth 15 minuta para se sulmi të ndodhte.
Meta ka thënë se mesazhet e të dyshuarit kanë qenë private dhe u zbuluan vetëm pasi ndodhi sulmi.
“Ato që Abbott i përshkroi ishin mesazhe private tekstuale, që u zbuluan pasi ndodhi tragjedia e tmerrshme”, ka thënë Meta.
Kompania teknologjike ka shtuar se po bashkëpunon ngushtë me hetuesit.