Kompania Facebook ka paguar kontraktues të jashtëm për të transkriptuar mesazhet me zë të përdoruesve në shërbimeve të tij, njoftoi të martën Bloomberg, duke cituar burime të afërta me këtë çështje.
Facebook ka konfirmuar se po transkriptonte mesazhet me zë të përdoruesve, por ka thënë se nuk po e bënte më këtë, raportoi Bloomberg.
Facebook nuk është përgjigjur në kërkesën e agjencisë Reuters, për të komentuar këtë raport.
Kontraktuesit e jashtëm kanë kontrolluar nëse inteligjenca artificiale e Facebook-ut po interpretonte saktë mesazhet.
Kompania e mediave sociale është përballur me kritika të gjera nga ligjvënësit dhe rregullatorët mbi praktikat e saj të privatësisë së përdoruesve.
Edhe
Facebook i bën konfidenciale thirrjet në Messenger
Javën e kaluar, një gjykatë federale e apelit refuzoi përpjekjen e Facebook për të hedhur poshtë një padi, sipas së cilës, kompania mblodhi në mënyrë të paligjshme, dhe ruajti të dhëna biometrike për miliona përdorues, pa pëlqimin e tyre.
Në fillim të këtij muaji, kompanitë Apple dhe Google pezulluan rishikimin e regjistrimeve me zë nga përdoruesit, pasi shqetësimet për privatësinë e të dhënave janë në rritje./Rel
-
Facebooku po teston kodimin e thirrjeve sekrete audio dhe video për të rritur privatësinë
-
Facebooku akuzohet se ka shpërndarë të dhënat e përdoruesve me katër kompani të tjera
-
Facebooku pranon se lejoi Netflixin e Spotifyin të lexojë mesazhet private të përdoruesve
-
Shefi i Instagramit: Nuk ua përgjojmë telefonat