Raporti i The Washington Post sugjeron se agjencia FTC ka zbuluar se Google dhe YouTube e kanë shkelur Aktin e mbrojtjes online të privatësisë së fëmijëve (Children’s Online Privacy Protection Act - COPPA), i cili ua ndalon sajteve që të mbledhin informacione për fëmijët nën moshën 13 vjeç pa pëlqimin e prindërve të tyre, raporton Neowin.
Hetimi është rezultat i ankesave që i janë dërguar agjencisë që nga viti 2015, ndërsa hetimi i është prezantuar publikut në qershor. Tani si duket agjencia ka arritur të merret vesh me Google.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoEdhe pse shuma e parave të cilën Google do ta paguajë nuk ka të ngjarë t’i japë ndonjë goditje të hyrave të kompanisë që konstatohet të jenë miliarda dollarë, ky mund të jetë fillimi i problemeve të mundshme të ardhshme me rregulloret me të cilat Google mund të përballet, shkruan KOHA Ditore. Gjithashtu, kjo mund të shihet si një paralajmërim për kompanitë e tjera të teknologjisë që mund të hetohen nga FTC-ja për probleme të ngjashme.
Ndërkohë, Google e ka filluar procesin e ndryshimit të politikave të veta të privatësisë në lidhje me fëmijët dhe përdorimin e shërbimeve të kompanisë nga ana e fëmijëve. Kompania filloi t’i pamundësojë komentet në videoklipet me fëmijët më të vegjël dhe gjithashtu po e konsideron në mënyrë aktive bartjen e të gjitha videove me fëmijët dhe përmbajtjen për fëmijët në aplikacionin Kids, të cilin YouTube e ka dizajnuar për fëmijët.