Gjiganti i rrjeteve sociale YouTube rrezikon një gjobë prej 100 milionë dollarësh për shkeljen e privatësisë ndaj të miturve.
Mediat amerikane shkruajnë se departamenti i drejtësisë ka kryer një hetim muajt e fundit ndaj rrjetit më të madh social për videot në botë. Prej tyre ka rezultuar se YouTube ka shkelur një ligj që ndalon reklamat tek videot kur përdoruesit janë nën 13 vjeç, transmeton TvKlan raportimin e mediave.
Burime nga departamenti amerikan i shtetit thanë se YouTube grumbullonte të dhëna personale nga fëmijët, për llogari të kompanisë mëmë Google. Kjo është e ndaluar nga ligji për mbrojtjen e privatësisë online për fëmijët.
Megjithatë, drejtuesit e YouTube ende nuk kanë bërë asnjë koment lidhur me këto hetime. Muajin e kaluar, kjo platformë njoftoi se do të bënte ndryshime ku parashikohej krijimi i profileve të veçanta për fëmijët, me akses të kufizuar tek videot që publikohen në YouTube.
-
YouTube mund të dënohet 2.7 miliardë euro për shkelje të privatësisë së fëmijëve
-
YouTube gjobitet me 170 milionë dollarë në SHBA
-
Google dhe YouTube dënohen me miliona dollarë për mbledhjen e të dhënave të fëmijëve
-
Padia e 15-vjeçarit për varësinë nga YouTube mbyllet me marrëveshje
-
Meta e YouTube shkaktare të varësisë te të rinjtë, vendos juria