Prishtina 01 ka shënuar fitore të madhe të enjten mbrëma ndaj Novo Vrijemes dhe e ka siguruar vendin e tretë, i fundit që dërgon në fazën nokaut të Ligës së Kampionëve të futsallit.
Pas humbjes 19:1 të mërkurën mbrëma nga Sportingu portugez, dy herë fitues i Ligës së Kampionëve në futbollin e sallës, Prishtina 01 reagoi duke fituar 7:6 ndaj skuadrës kroate, nikoqire e Grupit 4.
Ndeshja dramatike e zhvilluar në Makarska në Kroaci u vendos në sekondat e fundit.
Ramadan Alaj e realizoi golin e fitores një minutë pa u mbyllur i gjithë takimi.
Ishte goli i vetëm i shënuar nga njëri prej lojtarëve më të mirë të futsallit në Kosovë.
Edhe
Prishtina 01 e mbyll me humbje fazën grupore
Halim Selmanaj realizoi tri gola, ndërsa me nga një gol në fitore kontribuuan Arif Limani, Jeton Rukovci dhe Fitim Krasniqi.
Ndeshjen e radhës kryeqytetasit e luajnë më 1 nëntor ndaj Kairat Almatyt të Kazakistanit, ndërsa Novo Vrijeme ballafaqohet me Sportingun.
Tri të parat e secilit prej katër grupeve avancojnë tutje.
Sportingu e ka siguruar avancimin në fazën nokaut si lider me gjashtë pikë nga dy ndeshje.
Kairat Almaty dhe Prishtina 01 do të luftojnë për vendin e dytë. Ato zënë vendin e dytë dhe të tretë me nga tri pikë.
Edhe
Prishtina 01 barazon në Champions
Në vendin e fundit mbetet Novo Vrijeme pa pikë dhe pa gjasa për avancim tutje.
Shorti për fazën nokaut do të tërhiqet më 6 nëntor, ndërsa finalja e këtij edicioni të Championsit luhet në Pesaro të Italisë.
