Skitarja amerikane, Breezy Johnson, e ka fituar medaljen e artë në garën e lëshimit në Kampionatin Botëror që po organizohet në Saalbach-Hinterglemm të Austrisë.
Johnson e përfundoi garën me 0.15 sekonda para medalistes së argjendtë, Mirjam Punchner të Austrisë.
Skitarja çeke, Ester Ledecka, përfundoi e treta dhe e fitoi medaljen e bronztë, pasi e mbylli garën me 0.21 sekonda vonesë.
Amerikania tjetër dhe njëra prej skitareve më të mira në histori, Lindsey Vonn, e zuri vendin e 15-të. Ajo e mbylli garën me 1.96 sekonda vonesë.
Vonn u pensionua në vitin 2019 pasi e fitoi medaljen e bronztë në lëshim në Are të Suedisë, pasi kishte shumë lëndime.
Edhe
Vonn rrëzohet, ndërsa Johnsoni fiton të artën në lëshim
Por është kthyer sërish në gara në këtë sezon, pasi bëri ndërhyrje në gju.
Për Johnsonin është medalja e parë e fituar në një ngjarje madhore, vetëm dy muaj pasi u kthye nga dënimi prej 14 muajsh për shkak të thyerjes së tri rregullave të “anti-dopingut”.
