Lando Norris luftoi shumë në sfidën që e pati me ngasësin tjetër të skuderisë së McLarenit, Oscar Piastrin, dhe në fund arriti që ta fitojë garën Grand Prix në Austri.
Fitorja e tretë e Norrisit këtë vit, ka bërë që të ngushtohet edhe diferenca e pikëve me australianin lider, në renditjen e ngasësve.
Tani Norrisi ka vetëm 15 pikë më pak se Piastri që i prin renditjes.
Gara e radhës do të organizohet në Britaninë e Madhe.
McLareni e dominoi garën e së dielës në Austri duke i zënë dy pozitat e para, ndërsa vend në podium ka bërë edhe Charles Leclerc i Ferrarit.
Leëis Hamilton i skuderisë së Ferrarit po ashtu, përfundoi i katërti, ndërsa George Russell i Mercedesit u rendit i pesti.
Kampioni në fuqi, Max Verstappen nuk e përfundoi garën, ndërsa tani ka mbetur 61 pikë prapa liderit të tabelës së ngasësve në Formula 1.
