Golden Eagle Ylli ka shënuar fitore të thellë kundër Kamzës, në kuadër të Ligës Unike.
Skuadra Suhareka ka triumfuar me shifrat 89:56, në duelin e xhiros së 12-të që është luajtur të mërkurën mbrëma. Plus 33 pikë ishte fitorja e skuadrës kampione në fuqi.
Kjo ishte fitorja e 11-të e Yllit këtë sezon dhe me 23 pikë zë vendin e parë. Derisa Kamza e fundit me 13 pikë.
Me 20 pikë e shtatë asistime, Erjon Kastrati ka qenë basketbollisti më i dalluar tek ekipi kosovar. U veçua edhe Henrik Shirko me 19 pikë dhe shtatë asistime.
Te Kamza më efikasi ishte Eric Williams me 18 pikë dhe tetë kërcime.
