Golden Eagle Ylli është përforcuar edhe me një basketbollist amerikan për këtë edicion. Ekipi nga Suhareka, të shtunën ka njoftuar se pjesë e ekipit do të jetë Rashun Davis.
Davis (182 cm) tashmë është prezantuar te kampioni në fuqi, me të cilin ka arritur marrëveshje për këtë edicion.
Sezonin e fundit, Davis ka luajtur në Bosnjë e Hercegovinë e Hungari. Në Hungari, ai ishte pjesë e ekipit Szedeak dhe ka pasur një mesatare prej 15.9 pikëve për ndeshje.
“Ju njoftojmë se kemi arritur marrëveshje me Rashun Davis i cili së fundmi ka luajtur tek SZTE Szedeák të Hungarisë”, thuhet në njoftimin e Yllit.
Në dy ndeshjet e para të këtij edicioni në Superligën e Kosovës, Ylli ka po aq humbje. Të dielën, Ylli përballet në udhëtim me skuadrën e Pejës në kuadër të xhiros së tretë.