Russell Westbrook do të luajë me skuadrën Washington Wizards dhe John Wall ka lëvizur drejt Houston Rockets në një shkëmbim të jashtëzakonshëm.
“Duke e pasur mundësinë të sigurojmë një lojtar të kalibrit dhe karakterit të Russellit ka qenë diçka që nuk kemi mundur ta anashkalojmë duke marrë parasysh të ardhmen e menjëhershme dhe afatgjate të ekipit tonë”, ka thënë menaxheri i përgjithshëm i Wizards, Tommy Sheppard në një komunikatë për shtyp.
“Vendimi për t’i ndarë punët me Johnin, njërin prej lojtarëve më të mirë në historinë e kësaj lige, ka qenë shumë e vështirë. Vlera e tij për organizatën dhe komunitetin tonë është e pamatshme dhe nuk do të harrohet”, përfundoi ai.
