LeBron James i ka dhënë fund dilemave. Ylli i NBA-së ka vendosur ta veshë fanellën e Philadelphia 76ers, ka konfirmuar vetë basketbollisti në një postim në rrjetet sociale të premten.
Jamesi ishte pa skuadër pasi i mbaroi kontrata me Los Angeles Lakersin.
41-vjeçari, që mbush 42 në dhjetor, ka nënshkruar kontratë dyvjeçare me Philadelphian, ku do të përfitojë rreth 8 milionë euro. E ka mundësinë e vazhdimit edhe për një sezon.
James ka thënë se beson se mund ta ndihmojë Philadelphian drejt fitimit të një kampionati. Ka shtuar se do të jetë skuadra e fundit në karrierë.
Te Philadelphia do ta gjejë Joel Embiidin, Jaylen Brownin e Tyrese Maxeyn.
Kësisoj, një prej basketbollistëve më të mirë në histori do të kthehet të luajë për një skuadër të Lindjes pas aventurës me Cleveland Cavaliersin (2003 - 2010 / 2014 - 2018).
Edhe
James me rekord të rëndësishëm në NBA
James gjithashtu ka luajtur për Miami Heatin gjatë periudhës 2010 – 2014.
Ka fituar katër herë NBA-në. Dy herë me Miamin, një herë me Clevelandin dhe një herë me Lakersin. Gjithashtu është rekordmen për numrin e sezoneve të luajtura (23), ndeshjeve të luajtura (1,622) dhe pikëve të shënuara (43,440).
