Russell Westbrook dhe LeBron James kanë shkëlqyer në fitoren që Los Angeles Lakers e arriti përballë Toronto Raptors, 128:123.
Westbrooku regjistroi “triple-double” prej 22 pikëve, 10 kërcimeve e 10 asistimeve për Lakersin, përfshirë edhe trepikëshin që e dërgoi ndeshjen në vazhdime.
Jamesi ishte lider në listën e koshashënuesve me 36 pikë, ndërsa Avery Bradley siguroi fitoren me gjuajtje të saktë, 32.5 sekonda para fundit.
Lakersi kishte humbur në 11 ndeshjet e fundit në udhëtim dhe ishte në seri prej tri disfatave të njëpasnjëshme.
Cleveland Cavaliers triumfoi përballë skuadrës Denver Nuggets, 119:116.
Lauri Markkanen shënoi 31 pikë për Clevelandin, përfshirë edhe trepikëshin vendimtar që ia dha fitoren “kalorësve”.
Jayson Tatum dhe Jaylen Brown së bashku realizuan 62 pikë, ndërsa Boston Celtics fitoi ndaj Sacramento Kings, 126:97.
Neë Orleans Pelicans mposhti San Antonio Spursin 124:91, kurse Miami Heat triumfoi ndaj Oklahoma City Thunder, 120:108.