Hendbollistet që përfaqësojnë Universitetin e Prishtinës kanë fituar medaljen e bronztë në Kupën Botërore Universitare në Prishtinë.
Të dielën në palestrën “1 Tetori”, hendbollistet kosovare e kanë mposhtur ekipin e Universitetit “Olomouc” nga Çekia me shifrat 26:24.
Te hendbollistet kanë garuar vetëm gjashtë skuadra.
UP-në drejt fitores në ndeshjen për vend të tretë e kanë udhëhequr portierja Venera Kafexholli si dhe motrat Elisa e Melisa Mulaj.
Disa prej hendbollisteve që luajtën për UP-në janë pjesë e përfaqësueses së Kosovës. Disa të tjera janë kandidate.
