Hendbollistët e ekipit të Universitetit të Prishtinës e kanë fituar edhe ndeshjen e dytë në Kupën Botërore Universitare që po mbahet në Prishtinë.
Të martën mbrëma, UP-ja fitoi ndaj universitetit portugez Aveiro me shifrat 32:29. Drenit Tahirukaj ishte i pandalshëm me 14 gola.
UP-ja të hënën fitoi ndaj universitetit që përfaqëson Spanjën.
Tahirukaj dhe disa prej lojtarëve kryesorë të UP-së janë reprezentues të Kosovës.
