Të premten janë zhvilluar ndeshjet gjysmëfinale të Kupës Botërore Universitare në hendboll (femrat), ngjarje që po mbahet në Prishtinë.
Hendbollistet e Universitetit të Prishtinës kanë pësuar thellë nga “Korea National Sport University” i Koresë së Jugut. Jugkoreanet fituan me shifrat 39:24.
Ndeshja është luajtur në palestrën “1 Tetori”.
Në finale, të dielën, ekipi universitar nga Koreja e Jugut luan me universitetin spanjoll “Castilla – La Mancha”. Ndërsa UP-ja për vend të tretë luan me universitetin “Palacky University of Olomouc” nga Çekia.
Te hendbollistet kanë garuar vetëm gjashtë ekipe.
