Skuadra që sivjet u inkuadrua në elitën e futbollit të Kosovës, Vëllaznimi i Gjakovës, i ka vazhduar kontratat e disa futbollistëve kryesor, menjëherë pas zyrtarizimit të trajnerit Ismet Munishi.
Skuadra “Kuqezi”, që u inkuadrua në Superligë direkt nga pozita e dytë, ka vazhduar kontratat me sulmuesit Egzon Gashi e Dardan Rogova. Gashi edicionin e fundit në Ligën e Parë realizoi plot 20 gola në të gjitha garat, raporton KTV.
Kontratat me skuadrën nga Gjakova edhe për një vit, i kanë vazhduar edhe Lekë Vula dhe Kushtrim Gashi.