Komisioni i Garave pranë Federatës së Futbollit të Kosovës (FFK), ka iniciuar procedurë disiplinore ndaj dy skuadrave të Vala Superligës së Kosovës - Vëllaznimit dhe Gjilanit.
Lajmi është bërë i ditur të hënën në uebfaqen zyrtare të FFK-së. Të dyja ekipet janë futur në procedurë pas ndeshjeve të xhiros së 15-të, që u zhvilluan vikendin e shkuar, shkruan Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë njoftim thuhet se ndaj Vëllaznimit është iniciuar procedurë disiplinore "për fyerje e sharje në kor nga ana e tifozërisë vendase drejtuar kryetarit të FFK-së, Fadil Vokrri në ndeshjen kundër Gjilanit".
Ndërkohë, Drita është futur në procedurë disiplinore "për lëshim në organizimin e ndeshjes ndaj Lirisë, ku ka pasur hedhje të gurëve nga ana e tifozërisë vendase në drejtim të tifozërisë mysafire, si dhe janë futur në fushë për të qëruar hesapet me ata, ku pas përfundimit të ndeshjes ekipit mysafir i janë thyer xhamat e autobusit".
Vendimin si për Vëllaznimin ashtu edhe për Dritën, pritet që ta marrë Komisioni Disiplinor gjatë ditëve në vijim.
Ndërkohë, futbollisti i Lirisë, Rroni Gashi është në procedurë disiplinore për shkak se në minutat shtesë të ndeshjes me Dritën ka shtyrë arbitrin kryesor.