Lazio raportohet se është duke e negociuar largimin e mesfushorit kosovar Valon Berisha drejt Fortuna Dusseldorfit.
26-vjeçari mund të largohet shpejt nga Olimpico, sipas “Tuttomercatowebit” që thotë se klubi tashmë ka nisur bisedimet me ekipin gjerman.
Kontrata e mesfushorit të Kosovës me Lazion skadon në qershor 2023, por ai fillimisht mund të largohet në formë huazimi me opsionin për blerje gjatë verës.
Dusseldorfi është aktualisht i 18-i në Bundesligë dhe po lufton për mbijetesë. Sipas “TMW-së”, marrëveshja mund të kompletohet për pak orë.
Berisha kaloi te LAzio nga Salzburgu në qershor të 2018-s dhe më parë kishte luajtur edhe te Vikingu në Norvegji. Në edicionin aktual është paraqitur tetë herë për klubin.
