Manchester United është ndalur në barazim të martën mbrëma në Premier League. Unitedi barazoi ndaj Burnleyt me rezultatin 1:1.
Ndeshja i takoi javës së 24-të të elitës së futbollit anglez. Paul Pogba kaloi në epërsi skuadrën e Manchester United. Ai shënoi në minutën e 18-të.
Por, në fillim të pjesës së dytë, Burnley barazoi shifrat. Për rezultatin 1:1 u përkujdes Jay Rodriguez. Unitedi bie në vendin e pestë me 39 pikë, kurse Burnley në vendin e fundit me 14 pikë.