Manchester Unitedi ka fituar derbin e javës së 15 në Premier Ligë ndaj Tottenhamit, njëherësh ia shkaktoi humbjen e parë te klubi i ri ish-trajnerit të vet, Jose Mourinhos.
“Djajtë e Kuq” shënuan fitore prej 2 me 1 në “Old Trafford”, transmeton Koha.net.
Ishte Marcus Rashford ai që shënoi të dy golat për vendasit.
Derisa golin e vetëm për Tottenhamin në këtë takim e shënoi Dele Alli.
Me këtë fitore Unitedi arrin në kuotën e 21 pikëve dhe mban vendin e gjashtë, derisa Tottenhami me një pikë më pak është në vendin e tetë.
