Manchester Unitedi është fitues i derbit të zjarrtë të Manchesterit.
“Djajtë e kuq” të shtunën në “Old Trafford”, e fituan kryendeshjen e xhiros së 22-të të Premier Leagues, përballë “qytetarëve” të Pep Guardiolas.
Unitedi fitoi 2:0 në sfidën dramatike që u vendos në pjesën e dytë.
Amad Diallo e Bruno Fernandes shënuan në pjesën e parë, por golat e tyre nuk ishin të vlefshëm për shkak të pozitave jashtë loje. Të dyja u anuluan pas rishikimit të situatave në VAR.
Por në pjesën e dytë, skuadra e udhëhequr nga Michael Carrick realizoi dy herë.
Në minutën e 65-të pas një kundërsulmi shumë të shpejtë, realizoi Bryan Mbeumo.
Edhe
Manchester Unitedi fiton derbin dhe konfirmon kthimin në Champions
Në minutën e 76-të realizoi edhe Patrick Dorgu. Mason Mount, një minutë pas inkuadrimit si zëvendësues, realizoi në minutën e 92-të, por edhe goli i tij u anulua nga VAR-i për pozitë jashtë loje.
Për trajnerin Carrick, ish-legjendën e këtij klubi, ishte ndeshja e parë në udhëheqje pas kthimit te kjo skuadër. Carrick u emërua trajner i përkohshëm pas largimit të Ruben Amorimit.
Unitedi me fitore tani i ka 35 pikë, ndërsa City rrëshqet në garën për titull kampioni. Mbetet me 43 pikë. Lider është Arsenali.
