Manchester Unitedi u ka rezistuar sulmeve të Wolverhamptonit dhe ka arritur fitore të vështirë të enjten mbrëma. Ndeshja ishte shumë dramatike, por “djajtë e kuq” fituan me rezultatin 4:3 në udhëtim, në ndeshjen e xhiros së 22-të të Premier Leagues.
Marcus Rashford në minutën e pestë dhe Rasmus Hojlund në minutën e 22-të, shënuan dy golat e parë për mysafirët.
Pablo Sarabia realizoi nga 11 metra në minutën e 71-të, pas penalltisë që u dha pas rishikimit të situatës në VAR.
Scott McTominay katër minuta më vonë e ktheu qetësinë tek Unitedi.
Pesë minuta para fundit, mbrojtësi i Wolvesit, Max Kilman, shënoi për 3:2.
Në minutat shtesë u shënuan edhe dy gola tjerë.
Pedro Neto shënoi për Wolvesin për 3:3 në minutën e pestë të kohës shtesë pas një kundërsulmi të shpejtë.
Edhe
Unitedi nuk lejon befasi
Por, 18-vjeçari Kobbie Mainoo, dy minuta më vonë, realizoi për pikët e plota për Unitedin.
Unitedi pas 22 ndeshjeve zë vendin e shtatë me 35 pikë.
Wolverhamptoni mbetet me 29 pikë në vendin e 11-të.
