Ukrainasit të ngazëllyer thanë se presin që ekipi i tyre ta mundë edhe Uellsin të dielën dhe të shkojnë në Botërorin “Katari 2022” të enjten, një ditë pas fitores ndaj Skocisë 3:1 në stadiumin “Hampden Park”, në gjysmëfinalen e plejofit. Baret dhe restorantet në Kiev dhe qytete të tjera të Ukrainës nuk ishin në gjendje të shfaqnin ndeshjen për shkak të një shtetrrethimi gjatë kohës së luftës. Në vend të kësaj, tifozët shikonin në shtëpi, si dhe nga strehimoret e bombave dhe llogoret.
Pas vërshëllimës së fundi, presidenti i Ukrainës, Volodymyr Zelensky, i dërgoi një mesazh urimi ekipit. “Ka raste kur nuk keni nevojë për shumë fjalë! Thjesht krenari! Thjesht faleminderit djema! Dy orë lumturi me të cilat nuk jemi mësuar”.
Duke postuar në kanalin e tij zyrtar “Telegram”, i cili ka 1.2 milionë ndjekës, Zelensky tha se fitorja kishte sjellë gëzim për “ushtarakët tanë dhe për të gjithë vendin tonë”.
“Ne të gjithë po luftojmë, secili në frontin e tij për këtë. Ne luftojmë, durojmë, fitojmë. Sepse ne jemi ukrainas!”, shtoi ai.
Disponimi në Kiev të enjten ishte optimist, pasi qyteti e treti rezultatin në diellin e verës.
Edhe
Kualifikimi në Evropian ngre moralin e ukrainasve
“Ne duam t'i tregojmë botës se Ukraina është e fortë kudo, duke përfshirë edhe futbollin”, tha Vasily Volodymyrovich, duke qëndruar rojë me një kallashnikov në kryeqytet. “Ne kemi një kolektiv shumë të fortë. Dhe ne kemi një shpirt të madh. Ishte një fitore mbresëlënëse në grup”.
Vasily - një anëtar 28-vjeçar i gardës kombëtare të Ukrainës - tha se mendon që tre lojtarë ishin të jashtëzakonshëm ndaj Skocisë: Andriy Yarmolenko, i cili shënoi golin e parë, Oleksandr Zinchenko dhe Ruslan Malinovskyi. Të gjithë luajtën për klubet kryesore evropiane dhe kishin përvojë të madhe, tha ai.
“Ishte një argëtim i madh. Gjithmonë kam menduar se Ukraina do të fitonte”, tha Oksana, një recepsioniste 24-vjeçare.
Ajo e përshkroi golin e fundit të rezervistit Artem Dovbyk në kohën shtesë si “të mahnitshëm”, duke shtuar: “Sigurisht që ne do ta mposhtim edhe Uellsin”.
Gazetarët morën pankartat e shfaqura nga tifozët ukrainas që shkuan në Glasgow. Shumë prej tyre tashmë jetonin dhe punonin jashtë vendit. Që nga pushtimi i Rusisë më 24 shkurt, burrat e moshës 18-60 vjeç janë ndaluar të largohen nga vendi, përveç nëse për ndonjë arsye të jashtëzakonshme.
Para fillimit të ndeshjes, turma, që ishte në tribuna, brohoriti sloganin “Forcat e Armatosura të Ukrainës”. Ata tundnin pankarta ku thuhej “Khersoni është Ukraina”, një referencë për rajonin jugor ose rajonin e pushtuar nga Rusia dhe “Lavdi Ukrainës”, përshëndetja zyrtare ushtarake e përdorur nga Zelensky në adresat e tij nëpërmjet videove.
Olga Tokariuk, një gazetare e pavarur e shquar, tha se “fitorja e merituar e Ukrainës do të thotë shumë”. “Është një nxitje morale, është një burim gëzimi në kohë të errëta”, shkroi ajo në “Twitter”, ku krahas postimit, ngjiti edhe videoklipet e golave të Ukrainës.
Edhe
Ukraina po përmbush detyrën e saj në misionin e Botërorit
Ajo shtoi: "Ushtarët e panë ndeshjen në llogore, miliona ukrainas e panë atë në strehimoret e bombave, ndërsa raketat ruse po goditnin qytetin e Lvivit”.
Të paktën pesë persona u plagosën në sulmet me raketa të mërkurën në lagjen “Stryi” të rajonit të Lvivit. Sirenat e sulmit ajror mund të dëgjoheshin në të gjithë Kievin pak para se lojtarët e Ukrainës dhe Skocisë të dilnin në fushë për një interpretim emocional të himnit kombëtar të Ukrainës.
