Katër përfaqësuese të regjionit janë në garë që përmes plejofit të sigurojnë kualifikimin në “Euro 2020” në futboll. Bosnjë-Hercegovina kërkon kualifikimin përmes plejofit të nivelit B, Serbia përmes nivelit C, ndërsa Maqedonia Veriore e Kosova përballen në nivelin D.
Te Serbia kanë shpresë se do të kualifikohen, ndërsa i gëzohen faktit që edhe dy përfaqësuese të tjera të regjionit mund të sigurojnë evropianin. Lubisha Tumbakoviq shpreson për Bosnjë-Hercegovinën e Maqedoninë Veriore. Ai ka vlerësuar se Kosova është pa gjasa ndaj Maqedonisë Veriore në Shkup, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë të vërtetë kjo deklaratë e Tumbakoviqit është në vazhdën e qëndrimeve të mëhershme që i ka shprehur trajneri serb. Një prej episodeve më famëkeqe në karrierën e tij prej katër dekadash si trajner i futbollit është e lidhur me përfaqësuesen e Kosovës. Ai ishte seleksionues i Malit të Zi deri në ndeshjen ndaj Kosovës, të luajtur më 7 qershor të vitit të kaluar, në kuadër të eliminatoreve për “Euro 2020”.
Tumbakoviq ka përgatitur ekipin për ndeshjen ndaj Kosovës, por në ditën e ndeshjes vendosi që të mos e drejtojë Malin e Zi. Ishte raportuar se vendimi i tij ishte marrë pas presionit të madh nga Beogradi. Njëjtë kishin vepruar edhe disa lojtarë serbë të Malit të Zi. Ata nuk janë ftuar më, ndërsa Tumbakoviqi u shkarkua menjëherë atë ditë. Ishte vlerësuar goditje e madhe për përfaqësuesen e Malit të Zi, ndërsa akuzat ndaj trajnerit me përvojë serb ishin të ndryshme. Menjëherë më 1 korrik, Tumbakoviq ishte emëruar seleksionues i Serbisë, ndërsa ai sërish është marrë me Kosovën.
(Artikullin e plotë mund ta lexoni në gazetën “Koha Ditore”)