Mali i Zi ka shkarkuar trajnerin e saj serb, Lubisha Tumbakoviq, pasi ka bojkotuar ndeshjen kundër Kombëtares së Kosovës për kualifikimet në “Euro 2020”, ka thënë Federata e Futbollit (FSCG) e këtij shteti.
“Bordi ekzekutiv i Federatës së Malit të Zi mori vendim unanim për të shkarkuar Tumbakoviqin nga detyrat e tij pasi ai vendosi që të mos jetë përgjegjës për ekipin e kombëtares për ndeshjen e mbrëmshme”, ka shkruar FSCG në uebfaqen zyrtare, raporton Reuters.
Lexoni edhe:
“Përveç se ishte një befasi e pakëndshme, bojkoti i Tumbakoviqit po ashtu përbën shkelje të detyrave të tij profesionale të përcaktuara në kontratën e tij. Gjithashtu, bordit ekzekutiv i vjen keq që presioni nga disa qarqe rezultoi që edhe lojtarët Filip Stojkoviq dhe Mirko Ivaniq po ashtu bojkotuan ndeshjen”, shkruan tutje Federata, transmeton Koha.net. “Gjërat që nuk kanë të bëjnë me sportin, kanë mundur sportin dhe futbollin në këtë rast”.
E përditshmja e Podgoricës, “Vijesti”, raporton se presioni nga grupet e tifozëve nga Serbia nxiti Tumbakoviqin, si dhe Stojkoviqin dhe Ivaniqin, të cilët janë serb, të që bojkotojnë ndeshjen kundër Kombëtares së Kosovës.
Asnjëri nga ta nuk komentuan asgjë.
-
Serbia merr trajnerin e shkarkuar nga Mali i Zi pse s’deshi të luajë kundër Kosovës
-
Refuzoi ta drejtonte Malin e Zi ndaj Kosovës, Tumbakoviq drejt stolit të Serbisë
-
Tumbakoviqi nënçmon Kosovën pasi u dorëzua para saj
-
Saviçeviqi thotë se Tumbakoviqi e tradhtoi Malin e Zi
-
Presione të mëdha nga Beogradi, trajneri dhe lojtarët serbë të Malit të Zi s’paraqiten ndaj Kosovës