Skuadra e Trepçës ka shtuar centimetra nën kosh për edicionin 2023/24.
Kanadezi Jordy Tshimanga do të jetë pjesë e ekipit nga Mitrovica në edicionin e ri.
Tshimanga që është i gjatë 211 centimetra dhe luan në pozitën e qendrës, është prezantuar të premten te Trepça.
Ai te Trepça transferohet nga ekipi Calgary, i cili aktualisht po luan në serinë finale të kampionatit kanadez.
Krahas Kanadasë, Tshimanga ka bërë karrierë edhe në Venecuelë, ndërsa ka luajtur edhe në G-League të NBA-së.
Edhe
Jones vazhdon me Trepçën
Aktualisht, Tshimanga po luan me një mesatare prej 7 pikëve dhe po aq kërcimeve për ndeshje te skuadra e Calgaryt.
Ai bëhet përforcimi i dytë i huaj te Trepça në prag të edicionit të ri në Superligën e Kosovës në basketboll. Para tij, Trepçës i është bashkuar edhe britaniku Devon von Oostrum që luan në pozitën e fundorit.
