Mesfushori i Milanit, Sandro Tonali, është në dyshim për ndeshjen e së shtunës ndaj Cagliarit, ndërsa Olivier Giroud është kthyer dhe është favorit për të luajtur para Zlatan Ibrahimoviqit.
“Rossonerët” synojnë të mbesin në krye të tabelës në Serie A në ndeshjen në udhëtim te Cagliari.
“Calciomercato” ka shkruar të enjten se Tonali mund të mos jetë i gatshëm për shkak se është i sëmurë.
Ibrahimoviqi është i gatshëm për lojë pas dëmtimit që e pati në tendinën e Akilit, ndërsa luajti në minutat e fundit në duelet kundër Napolit dhe Empolit. Por, është thënë se ai ende nuk është i gatshëm të luajë nga minuta e parë.
Artikuj të ngjashëm