Sandro Tonali mund t’i mungojë Milanit në ndeshjen e parë të sezonit të ri në Serie A.
Milani do ta nisë mbrojtjen e titullit të shtunën në “San Siro” kundër Udineses.
Tonali u lëndua në ndeshjen miqësore kundër Vicenzës.
Sipas njoftimit të klubit, ekzaminimet mjekësore të kryera të hënën në mëngjes, kanë zbuluar se nuk bëhet fjalë për lëndim të rëndë.
Megjithatë, 22-vjeçari mbetet në dyshim ndaj Udineses.
Gjendja e tij fizike duhet të shikohet me kujdes.
